Gusti Allah Ora Sare

Gusti Allah Ora Sare

Tegese Gusti priksa saparipolahe manungsa, uga laku jantrane jagad saisine. Pitutur kang ngelingake supaya kita ora kendhat nyuwun pitulungan lan pangayoman marang Gusti Kang Akarya Jagad. Kejaba saka iku, aja gampang-gampang tumindak salah (dosa), awit Gusti ora sare. Apa sing durung kocap, sing sumimpen sajroning ati lan sing jeneng wewadi Panjenengane priksa sakabehe.

Manungsa urip ing alam donya diparingi kalodhangan sing amba dening Gusti Allah. Paribasan apa sing ginayuh bakal kelakon. Ananging kita kudu tansah ngati-ati, jalaran kabeh tumindak bakal kecathet dening Kang Murbeng Dumadi.

Gusti Allah Ora Sare

Artinya Tuhan tidak tidur atau Tuhan melihat semua tingkah manusia, juga gerak alam semesta seisinya. Inilah nasehat yang mengingatkan kita agar tidak henti memohon pertolongan dan perlindungan Tuhan Pencipta Alam. Di samping itu, kita juga jangan gampang berbuat salah (dosa) karena Tuhan tidak tidur dan pasti tahu semua yang terjadi di dunia ini. Apa pun yang belum terucap, tersembunyi di dalam hati, juga semua rahasia kita, Tuhan tahu semuanya.

Manusia hidup di dunia diberi kebebasan seluas-luasnya oleh Tuhan. Ibarat apapun keinginannya dapat tercapai. Namun, kita harus selalu berhati-hati karena seluruh perbuatan diketahui dan dicatat oleh Sang Pencipta.

Gupak Pulut Ora Mangan Nangkane

Gupak Pulut Ora Mangan Nangkane

Tegese direwangi gupak pulut, sing mangan nangkane wong liya utawa anggone tumandang temenan, nanging sing ngrasakake asile dudu dheweke. Paribasan iki dadi gambarane wong kang lagi nandhang apes, lantaran asil pangupayane direbut dening wong liya.

Conto kedadeyan sing magepokan karo unen-unen iki akeh. Kayata, paribasan dilabuhi melek pirang-pirang dina gawe kembar mayang lan pajangan upacara penganten, sing antuk pangalembana malah sing duwe omah. Kemangka sing duwe omah ngucap matur nuwun marang sing gawe kembar mayang.

Gupak Pulut Ora Mangan Nangkane

Artinya kena getahnya, tetapi tidak makan nangkanya atau sudah bekerja keras, tetapi malah orang lain yang menikmati hasilnya. Peribahasa ini menggambarkan orang yang bernasib sial karena hasil kerjanya diserobot orang lain.

Banyak contoh kejadian yang dimaksud dalam peribahasa ini. Misalnya sampai tidak tidur dan meninggalkan pekerjaan untuk membuat kembar mayang dan dekorasi lain untuk hajatan pengantin, ternyata yang dipuji oleh para tamu malah yang punya hajatan. Padahal pemilik rumah mengucapkan terimakasih kepada si pembuat kembar mayang tersebut.

Golek Banyu Apikulan Warih, Golek Geni Adedamar

Tegese golek banyu sangune pikulan banyu, golek geni nggawa damar. Unen-unen iki ngemu pitutur kang adiluhung, yaiku manungsa kudu nduweni sangu kang cukup lan cocog karo apa kang dadi sedyane. Yen antarane sangu lan sing diarah cengkah, mesthi bakal angel kelakone.

Mangkane unen-unen iki yen ditrapake ing kahanan (kasunyatan) contone mangkene. Wong golek sedulur, sangune kudu ngerti carane mbangun paseduluran sing becik. Wong golek pegaweyan (nglamar pegaweyan), kudu sangu ketrampilan lan gelem netepi tatanan sing wis digarisake dening wong sing bakal menehi pegaweyan tumrap dheweke mau.

Cekak cukupe, golek kebecikan iku sangune uga kabecikan. Ora bakal kelakon menawa golek kabecikan sangune watak drengki srei, adigang-adigung-adiguna, utawa mburu menange dhewe. Yen sangun kaya ngono, entuke cetha yen dudu kabecikan, nanging tukar padu memungsuhan.

Golek Banyu Apikulan Warih, Golek Geni Adedamar

Artinya mencari air berbekal pikulan air, mencari api berbekal pelita. Peribahasa ini mengandung masihat yang sangat mulia, yakni manusia harus memiliki bekal yang cukup dan sesuai dengan apa  yang dicita-citakan. Apabila tidak sebanding antara bekal dengan cita-citanya, tentu cita-cita itu akan sulit terwujud.

Makna peribahasa ini jika diterapkan dalam realitas kehidupan misalnya begini. Untuk mencari teman atau saudara, bekalnya harus mengetahui bagaimana cara membangun persaudaraan yang baik. Orang melamar pekerjaan harus berbekal keterampilan dan kesediaan untuk memenuhi peraturan yang ditetapkan oleh orang yang akan memberi pekerjaan kepada yang bersangkutan.

Singkat kata, mencari kebaikan harus berbekal kebaikan. Kebaikan tidak mungkin didapat jika berbekal watak dengki, adigang adigung adiguna, serta ingin menang sendiri. Jika bekalnya hanya sifat-sifat demikian, yang ditemukan tentu saja bukan kebaikan, tetapi cekcok dan permusuhan.

Giri Lusi, Janma tan Kena Ingina

Giri Lusi, Janma tan Kena Ingina

Tegese senajan mlarat (katone mlarat) nanging manungsa kaya ngono ora kena diina (disepelekake, dianggep asor). Ngina sapadha-padhaning titah mujudake patrap kang ora becik. Awit kabeh manungsa sejatine padha. Dene sing mbedakake siji lan sijine mung amal panggawene dhewe-dhewe.

Unen-unen iki tujuwane nuturi, aja nganti ndeleng (mbiji) manungsa saka babagan sing kasat mripat wae. Jalaran yen mung nganggo landhesan sing katon, salah-salah bisa kepleset. Durung mesthi wong sing nyandhang panganggone nglomprot iku wong mlarat. Bisa uga dheweke seniman kondhang, omahe magrong-magrong, mobile jejer-jejer, lukisane pengaji atusan yuta.

Conto liyane kayata ana sing sugih lan pinter, ana sing senenge lelaku. Wong kasebut njajah desa milang kori, blusukan ing desa-desa, panganggone wong kasebut ya mung sakanane. Ndilalah wong mau disepelekake dening wong liya, hara wong sing nyepelekake mau apa ora keweleh. Ing tanah Jawa uga ana paribasan liya sing ngelingake supaya ngati-ati mbiji wong liya, sapa ngerti wong mau kayadene bathok bolu isi madu. Sajake wong mau ora mbejaji, nanging duwe katiyasan ngedab-edabi sing ora dikatonake.

Giri Lusi, Janma tan Kena Ingina

Artinya jangan gampang menghina orang yang tampaknya miskin atau berpenampilan sederhana. Suatu peringatan bahwa orang itu bisa saja berbeda antara isi dan penampilannya. Apabila dilihat dari luar (penampilan) mungkin akan keliru karena banyak orang suka menyembunyikan (menyimpan) kemampuannya yang ternyata jauh berbeda dengan apa yang tampak.

Peribahasa ini berisi nasihat, jangan suka menilai orang berdasarkan penampilannya atau dari segala sesuatu yang tampak saja. Jika hanya berdasarkan hal-hal yang kasat mata saja, salah-salah bisa keliru. Misalnya, belum tentu orang yang berpakaian lusuh adalah orang miskin. Sebenarnya bisa saja dia adalah seniman tenar, rumahnya mewah, mobilnya banyak, lukisannya berharga sampai ratusan juta.

Ada pula kisah seorang yang kaya dan pandai yang suka berlaku prihatin. Orang itu keluar-masuk desa-desa hanya mengenakan pakaian sederhana. Kebetulan orang itu diremehkan orang lain, tentu orang yang meremehkan tersebut akan terkecoh. Oleh karena itu, menilai orang harus berhati-hati. Siapa tahu mereka ibarat bathok bolu isi madu, tempurung kelapa yang jelek tetapi isinya madu di dalamnya. Buruk di luar, tetapi menyembunyikan “kekayaan” besar di dalam pribadinya.

Gajah Ngidak Rapak

Tegese gajah ngidak-idak godhong tebu garing. Gajah mujudake lambang pemimpin, dene rapak mujudake lambang omongane dhewe. Maknane paribasan kasebut mujudake sindiran tumrap pemimpin kang ora bisa netepi janji utawa seneng nglanggar tatanan kang digawe dhewe.

Pemimpin dianggep wong gedhe lan dipadhakake gajah. Mula yen nganti kewan semono gedhene ngidhak-idak rapak (rapah), sing jeneng rapak mesthi remuk ora karuwan wujude. Semono uga pemimpin, yen nganti mblenjani janji utawa nglanggar tatanan sing digawe dhewe, prasasat kaya gajah ngidak-idak rapak. Janji lan tatanan dadi ora ana tegese maneh lan tebe mburine sing rugi rakyate.

Gajah Ngidak Rapak

Artinya gajah menginjak-injak daun tebu kering. Gajah merupakan simbol pemimpin, sedangkan rapak (daun tebu yang sudah kering) simbol dari ucapannya sendiri. Peribahasa ini menjadi sindiran untuk pemimpin yang tidak konsekuen atas apa yang telah dijanjikan atau suka melanggar aturan yang telah dibuat sendiri.

Di Jawa, pemimpin dianggap orang besar dan disamakan dengan gajah. Jika binatang sebesar itu sampai menginjak daun-daun kering (rapak), tentu daun-daun itu remuk tak berbentuk lagi. Demikian pula seorang pemimpin, jika sampai mengingkari janji atau melanggar aturan yang dibuatnya sendiri, yang terjadi ibarat gajah menginjak rapak. Janji dan peraturan tidak ada gunanya lagi dan ujung-ujungnya yang akan dirugikan adalah rakyat.

Ewuh Aya ing Pambudi

Tegese angel anggone nemtokake apa kang kudu ditindakake. Paribasan kasebut nggambarake wong kang bingung nemtokake pilihan. Bingunge wong mau ora amarga bodho, pilihan kang mung sethithik utawa ora kuwawa ninsakake, nanging jalaran apa wae kang ditindakake bakal nuwuhake perkara anyar sing abot.

Ewuh Aya ing Pambudi

Artinya sulit menentukan tindakan apa yang harus dilakukan. Ini adalah gambaran orang yang sulit menentukan pilihan. Kesulitan atau kebingungan tersebut muncul bukan karena yang bersangkutan bodoh, bukan karena pilihan yang terbatas, bukan pula karena tidak mampu melaksanakan. Namun karena setiap tindakan yang dilakukan akan membawa masalah baru yang cukup merepotkan.

Durung Punjul Keselek Jujul, Durung Pecus Keselak Besus

Tegese durung kebak ngelmune kesusu kepengin katon linuwih, durung mumpuni kesusu mbagusi. Sindiran kasebut ketujokake tumrap wong sing kepengin enggal katon moncer (kawentar), ora ketang ngelmu, ketrampilan, apadene kapribadene durung nyukupi babar pisan. 

Patrap kaya unen-unen iki aja ditiru, jalaran yen dilakoni bakal dadi rekasanane liyan. Awit suwening suwe kabeh mesthi konangan, apa kang dipamerake durung mesthi kebukten. Nyatane bareng diuji, asil karyane durung mbejaji.

Durung Punjul Keselek Jujul, Durung Pecus Keselak Besus

Artinya belum tuntas menuntut ilmu terburu-buru ingin terlihat berilmu, belum memiliki kemampuan memadai ingin segera terlihat pandai. Hal tersebut adalah sindiran bagi orang yang ingin segera terlihat terkenal dan unggul, meskipun ilmu, kemampuan, ataupun kepribadiannya sama sekali belum memenuhi syarat.

Perbuatan seperti dalam peribahasa ini jangan ditiru karena jika dilakukan bakal menjadi bahan omongan orang. Lama-kelamaan semuanya pasti akan ketahuan, bahwa kemampuan yang digembar-gemborkan itu omong kosong belaka. Terbukti ketika sekali waktu diuji, hasilnya sangat jauh dari memuaskan.

Durung Menang Yen Durung Wani Kalah, Durung Unggul Yen Durung Wani Asor, Durung Gedhe Yen Durung Wani Cilik

Unen-unen iki mujudake peranan wulang wuruk kebatinan saka Raden Mas Sosrokartono (kangmase Raden Ajeng Kartini). Seprene isih akeh wong kang ngamalake unen-unen kasebut. Dene pathi sarining ajaran kang bisa dipurih saka unen-unen kasebut, yaiku manungsa kudu bisa mawas dhiri. Manungsa aja sulap menyang apa wae kang didarbeki, kaya ta pangkat, drajat, bandha, lan kamukten. Awit bandha donya mau dudu ukuran kanggo nemtokake ajining pribadi sing duwe (kanggonan).

Cirine manungsa kang dianggep mumpuni, kang teguh tanggon, yaiku kasil ngendhaleni pribadi, saengga ruwet rentenging urip bisa dibengkas tanpa ninggal tapak tilas. Contone wong gwdhe (pemimpin)wis bisa lan wani ngalah, andhap asor, lan dadi cilik, padha karo rakyate. Yen durung wani kaya mangkono, dheweke durung kena diarani "gedhe".

Kabeh kang didarbeki manungsa antuke ora saknyet, nanging nggunakake lelaku luwih dhisik. Menang asale saka kalah, mula yen diperlokake kudu wani ngalah. Unggul asale saka asor, mula yen wis unggul kudu nduweni watak andhap asor. Gedhe asale mesthi saka cilik, mula yen wis dadi gedhe aja ninggal utawa nglalekake wawasane wong cilik.

Durung Menang Yen Durung Wani Kalah, Durung Unggul Yen Durung Wani Asor, Durung Gedhe Yen Durung Wani Cilik

Artinya belum menang jika belum berani kalah, belum tinggi (unggul) jika belum berani rendah, belum besar jika belum berani kecil. Kalimat petuah di atas merupakan bagian dari ajaran Raden Mas Sosrokartono (kakanda Raden Ajeng Kartini). Sampai saat ini banyak orang masih mengamalkan petuah tersebut. Adapun intisari yang bisa diambil dari petuah tersebut adalah manusia harus bisa mawas diri. Manusia jangan silau terhadap apa saja yang dimiliki, seperti pangkat, derajat, harta, dan kehormatan. Harta dunia tersebut bukan ukuran untuk menentukan kualitas pribadi orang yang memilikinya.

Tanda kesempurnaan sebagai menusia yaitu jika telah berhasil mengendalikan dirinya dengan baik sehingga segala permasalahan hidup bisa diatasi tanpa meninggalkan bekas. Contohnya, orang besar (pemimpin)yang sudah mampu dan berani mengalah, rendah hati, dan "menjadi kecil" sebagaimana rakyatnya. Jika belum berani melakukan hal-hal seperti itu, dia belum dapat dianggap besar.

Semua yang dimiliki manusia tidak bisa diraih dalam sekejap mata, tetapi melalui proses yang panjang terlebih dahulu. Menang berasal dari kalah, karena itu yang bersangkutan harus bisa mengalah. Tinggi (unggul) berasal dari rendah, karena jika sudah tinggi harus memiliki sifat rendah hati. Besar berasal dari kecil, maka jika sudah besar jangan meninggalkan atau melupakan jalan pikiran serta suara orang kecil.

Emban Cinde, Emban Siladan

Tegese siji digendhong nganggo slendhang, sijine digendhong nganggo siladan pring. Paribasan mau nggambarake peimpin, wong tuwa, utawa sapa wae kang duwe panguasa nanging seneng mbedak-bedakake rakyate (anak-anake). Rakyat utawa anak sing disenengi anggone nggatekake luwih-luwih. Paribasan apa penjaluke dituruti, dikepenakake uripe, dialem ngalor-ngidul. Dene rakyat utawa anak sing ora disenengi, anggone nggatekake prasasat mung waton. Malah kaya-kaya rakyat utawa anak digegering. Bener diunekake luput, luput ora dibenerake, nanging malah dionyo-onyo.

Patrap kaya unen-unen iki kepetung ala. Mula aja ditiru. Saupama mbesuk mimpin uwong ora kena duwe tumindak kaya mangkono. Ora kena emban cinde emban siladan. Sadhengah uwong kudu diwenehi kawigaten padha. Mbiji uwong aja mung pathokan seneng karo ora seneng. Yen patrap kaya mangkono dicakake, ora gantalan dina panguwasane bakal ilang, awit carane mimpin gawe rugine wong akeh.

Emban Cinde, Emban Siladan

Artinya yang satu digendong dengan selendang, yang satunya lagi digendong dengan rautan buluh bambu. Peribahasa ini merupakan perumpamaan pemimpin, orang tua, atau siapa saja yang berkuasa, tetapi senang membedakan rakyat atau anaknya. Rakyat atau anak yang disukai sangat diperhatikan. Ibarat apa yang diminta pasti akan diberi, sangat dimanja, disanjung dimana saja. Adapun anak atau rakyat yang tidak disukai, tidak diperhatikan. Malah boleh dikata rakyat atau anak tersebut dibiarkan begitu saja. Benar dikatakan salah, salah tidak dibenarkan, malah dimarahi.

Sikap yang digambarkan peribahasa tersebut merupakan sikap buruk, oleh sebab itu, sikap itu jangan ditiru. Andai suatu hari Anda mennjadi pemimpin, Anda tidak boleh bersikap demikian. Anda tidak boleh Emban Cinde, Emban Siladan. Semua orang harus mendapat perlakuan sama. Menilai orang jangan hanya berdasar suka atau tidak suka. Apabila pemimpin berbuat seperti itu, kepemimpinannya tidak akan lama karena cara memimpinnya merugikan banyak orang.

Eling Sangkan Paraning Dumadi

Tegese manungsa kudu tansah eling marang asal lan tujuwaning urip. Jalaran cetha yen uripe manungsa iku ana sing nguripake lan nguripi yaiku Gusti Kang Mahakuwasa. Mula saka iku kita ora kena pisan-pisan nglalekake Panjenengane. Kejaba saka iku, manungsa dititahake urip ing alam donya mengku tujuwan sing gumathok, yaiku mundhi dhawuhe Gusti Allah, jalaran mbesuke uga bakal bali marang ngersane Gusti Allah.

Unen-unen iki mujudake pitutur kang tansah diugemi dening wong Jawa. Kejaba saka iku, unen-unen kasebut kena kanggo ngelingake sapa wae sing tumindake nyasar. Sapa wae sing uripe waton sulaya, nggugu karepe dhewe, pokal gawene kerep nyalahi angger-angger, lan sapanunggalane. Yen dheweke gelem nggatekake wosing unen-unen iki kanthi premati, nganggo rasa lan pikiran sing wening, mesthine bakal eling. Eling, menawa urip ing alam donya iku dibiji temenan dening Gusti Kang Akarya Jagad. Yen nganti bijine ala, mesthi antuk ukuman abot, dene yen becik bakal oleh ganjaran kang samurwat.

Artinya ingat asal dan tujuan hidup. Sebab telah jelas bahwa manusia itu ada yang menghidupkan dan menghidupi yaitu Tuhan Kang Mahakuasa. Oleh karena itu, kita tidak boleh sekali-kali melalaikan-Nya. Selain itu, manusia diperintah di dunia ini untuk satu tujuan yang jelas yaitu melaksanakan perintah Tuhan karena nantinya manusia akan kembali ke hadirat-Nya.

Peribahasa ini merupakan nasihat yang selalu diamalkan oleh orang Jawa. Selain itu, bisa juga untuk mengingatkan siapa saja yang hidupnya boleh dikata “rusak”. Hidup asal hidup, berbuat semau sendiri, nyaris tak peduli dengan apa yang disebut dosa, dan sebagainya. Apabila yang bersangkutan mau merenungkan makna peribahasa ini dalam-dalam, dengan membuka pintu batin serta pikiran yang jernih, tentunya akan sadar. Sadar serta ingat, bahwa orang hidup di dunia ini sesungguhnya benar-benar dinilai, dihitung oleh Tuhan Pencipta Alam. Maka, apabila nilai perbuatannya buruk, tentu akan menerima hukuman berat, sedangkan jika nilainya baik juga akan menerima ganjaran yang setimpal.

Dudu Sanak Dudu Kadang, yen Mati Melu Kelangan

Tegese sanajan wong liya (dudu sanak dudu kadang), angger gelem ambyur ing masyarakat lan gawe kebecikan kanggo wong akeh, bakal ditampa lan dianggep sedulur. Yen wis nyawiji kaya mangkono, ana bot repote bakal melu disangga, ngelu mules disambangi. Dene yen ndilalah nemoni apes utawa tekan titi wancine bali menyang jaman kelanggengan, akeh wong kang padha nggetuni (rumangsa kelangan).
Wiwit ndhisik mula, wong Jawa seneng lan gampang diajak paseduluran dening sapa wae angger ngerti sraten-sratenane. Jalaran sing diarani patembayatan, guyub rukun karo tangga teparo, sanak kadang, pawong mitra, mujudake patrap kang tansah diudi dening wong Jawa sajrone nggayuh katentremaning urip.
Tumrap wong Jawa, ngajeni wong liya (tamu) sok nganti luwih-luwih. Apamaneh yen nganti bola-bali kapotangan budi. Suwalike, ora ketang sedulur dhewe, yen ora maedahi utawa malah pokal gawene nyerik-nyerike, yen mati ana sing nganti wegah layat.


Artinya bukan saudara bukan kerabat, kalau meninggal dunia ikut kehilangan atau meskipun orang lain (bukan saudara), asal mau menyatu dengan masyarakat dan berbuat baik untuk orang banyak, akan diterima dan dianggep sebagai saudara. Jika sudah menyatu seperti itu, segala kerepotan akan dipikul bersama, sakit sedikit ditengok. Kalau dia kembali ke alam baka (meninggal dunia), akan banyak orang yang berasa kehilangan.
Sejak dahulu, orang Jawa senang dan gampang diajak menjalin persaudaraan oleh siapapun, asal tahu tata caranya. Sebab, persaudaraan (patembayatan), hidup rukun dengan tetangga, sanak saudara, merupakan sikap yang selalu dibangun oleh orang Jawa untuk meraih kedamaian hidup.
Bagi orang Jawa, di dalam menghormati orang lain (tamu) yang telah berjasa sangatlah diutamakan, hingga terkadang sampai berlebihan. Apa lagi jika orang itu sudah berkali-kali berhutang budi. Sebaliknya, walaupun saudara sendiri, jika tindak-tanduknya tidak menyenangkan, waktu dia meninggal pun ada yang sampai enggan melayat.