Kegedhen Empyak Kurang Cagak
Tegese empyak karo cagake ora imbang,
empyake luwih gedhe (amba), dene cagake mung cilik, saengga omah mau gampang
ambruk. Kahanan kaya mangkono iku aja ditiru. Gawe omah kudu nggunakake
petungan sing bener. Sepira gedhene omah, sepira ambane empyak, kudu dietung
luwih dhisik kanggo nemtokake sepira gedhene cagake.
Kegedhen empyak kurang cagak
nggambarake wong kang tumindak ngluwihi kekuwatane. Unen-unen iki uga mujudake
gambaran ngenani wong kang duwe idham-idhaman mau mung nggunakake wragad
saanane. Mula uripe tansah keponthal-ponthal, kamangka sing digayuh durung
paja-paja asile. Contone, buruh tani kepengin leren anggone dadi buruh,
angen-angene kepengin duwe truk lan disopiri dhewe. Sidane buruh tani mau nekad
adol pekarangan warisan dianggo tuku truk tuwa. Gandheng durung paham tenan
ngenani mesin, truk dadi kerep rewel. Saya dina rusake truk mau saya mremen.
Rumangsa anggone ndandani wis ora cucuk maneh karo oleh-olehane, truk bobrok
mau diedol murah-murahan. Tekan semono lagi krasa yen sing dilakoni mau
paribasan kegedhen empyak kurang cagak. Apa sing digantha-gantha bisa kelakon,
nanging ora antalan dina kabeh sing kecekel tangan musna dadakan.
Kegedhen Empyak Kurang Cagak
Artinya terlampau besar atap, tetapi
tiangnya hanya sedikit. Keadaan demikian jangan diikuti. Untuk membangun rumah,
perhitungan yang benar harus digunakan. Seberapa besar rumah itu, seberapa
luasa atapnya, harus dihitung terlebih dahulu untuk menentukan seberapa besar
tiangnya.
Kegedhen empyak kurang cagak menggambarkan
orang yang berbuat melebihi kemampuannya. Peribahasa ini juga merupakan kiasan
tentang orang yang memiliki impian amat tinggi, tetapi mimpi itu ia perjuangan
hanya menggunakan modal seadanya. Akibatnya hidupnya pun selalu menderita,
padahal yang diimpikan belum jelas hasilnya. Satu contoh, seorang buruh tani
ingin berhenti menjadi buruh dan ingin memiliki truk untuk ia jalankan sendiri.
Akhirnya, ia menjual tanah warisan orang tua untuk membeli sebuah truk tua.
Namun, karena memang belum paham benar tentang mesin, truk tersebut jadi sering
rusak dan makin hari kerusakannya makin menyebar. Merasa bahwa upaya mereparasi
truk tidak sebanding dengan hasilnya, truk bobrok itu dijual murah. Setelah
itu, barulah terasa olehnya bahwa apa yang dilakukan itu ibarat kegedhen
empyak kurang cagak. Yang dicita-citakan terwujud, tetapi (karena
penyangganya terbatas) dalam waktu singkat, semua yang ada di dalam genggaman
jadi lenyap tidak tersisa.
No comments:
Post a Comment